Challenge Samarkand mehmonlarda nafaqat ajoyib poyga, balki turli xil qiziqarli tadbirlar bilan ham unutilmas taassurot qoldirdi. Matbuot anjumani, professional sportchilar paneli, Kristian va Gustav bilan yugurish mashg‘uloti hamda Welcome Party — ushbu tadbirlarning har biri ko‘plab yorqin va unutilmas lahzalarni taqdim etdi. Barcha tadbirlar qanday o‘tgani haqida quyida batafsil ma’lumot beramiz:
Kristian Blummenfelt (Norvegiya) – Tokio-2020 Olimpiya chempioni, Ironman jahon chempionati g‘olibi;
– Gustav Iden (Norvegiya) – uzoq masofaga triatlon bo‘yicha ko‘p karra jahon chempioni, 2020-yilgi Olimpiya o‘yinlari ishtirokchisi;
– Rico Bogen (Germaniya) – 2023-yilgi Ironman 70.3 yoshlar o‘rtasidagi jahon chempioni;
– Laura Madsen (Daniya) – 2024-yilda Ironman 70.3 Les Sables D’Olonne va Ironman 70.3 Valencia musobaqalarida g‘olib bo‘lgan, 2024-yilda Samorindagi nufuzli Challenge «The Championship» musobaqasida hamda 2023-yilda Challenge Peguera Mallorca musobaqasida 2-o‘rin sohibasi;
– Nicole Van Der Kaay (Yangi Zelandiya) – xalqaro musobaqalar chempioni va sovrindori, 2024-yilgi Olimpiya o‘yinlari ishtirokchisi;
– Alina Khakimova (O‘zbekiston) – 2024-yilda Ironman 70.3 Astana va Challenge Samarkand musobaqalarida g‘olib bo‘lgan, 2023-yilda Ironman 70.3 Dubai va 2022-yilda Challenge Almere-Amsterdam musobaqalarida 3-o‘rin sohibasi.
Sportchilar bo‘lajak poygadan kutayotgan natijalari bilan o‘rtoqlashdilar, Samarqand va uning muhitidan olgan taassurotlarini muhokama qildilar hamda ommaviy axborot vositalari vakillari va poygaga tayyorgarlik ko‘rayotgan triatlon ishqibozlarining savollariga javob berdilar.
Gustav Iden va Kristian Blummenfelt bilan yugurish mashg‘uloti
Gustav Iden va Kristian Blummenfelt bilan yugurish mashg‘uloti ishtirokchilarga jahon triatlon yulduzlari bilan vaqt o‘tkazish, ulardan avtograf olish va esda qolarli suratlar tushirish uchun noyob imkoniyat berdi. Shuningdek, bu fikrdoshlari bilan birga mashg‘ulot o‘tkazish va eng yaxshi sportchilar davrasida musobaqa ruhini his qilish uchun ajoyib imkoniyat bo‘ldi.
Welcome Party
Welcome Party — har qanday triatlon poygasidan oldingi muhim an’ana! Bu do‘stlar va hamkasblar bilan uchrashish, bo‘lajak musobaqani muhokama qilish, hayajon va kutilmalarni baham ko‘rish uchun ajoyib fursat. Asosiy hamkorimiz Roni tomonidan tayyorlangan mazali pasta esa kechaning yoqimli bonusiga aylandi. Kecha tashkilotchilari ushbu uchrashuv unutilmas bo‘lishi uchun barcha sharoitlarni yaratdilar: mehmonlar qiziqarli interaktiv tadbirlar, triatlon mavzusidagi viktorinalar, jonli muloqot va ajoyib muhitdan bahramand bo‘ldilar.
Poygadan keyingi palov
O‘zbekiston Triatlon Federatsiyasi tomonidan allaqachon an’anaga aylangan yana bir qiziqarli odat — poygadan keyingi palov. Guruch, go‘sht va sabzavotlardan tayyorlanadigan ushbu milliy taom qadimiy Osiyo oshxonasining haqiqiy timsolidir. Uzoq va mashaqqatli poygadan so‘ng palovdan bahramand bo‘lish go‘yo energiyani qayta tiklash va kuchni tiklashdek tuyuladi.
Bayramona mushakbozlik.
Va barchasiga yakun sifatida poygani ajoyib tarzda yopib bergan yorqin mushakbozlik namoyishi!
Challenge Samarkand musobaqasida ro‘yxatdan o‘tish uchun ayni fursat!
